La Scola auta da pedagogia dal Grischun rinforza las trais linguas chantunalas, pussibilitescha access ad ulteriuras linguas e promova uschia la plurilinguitad. En pli etablescha ella la professura speziala per didactica da plurilinguitad integrada, sviluppa meds d’instrucziun e fa perscrutaziun dal rom sco era da la didactica dal rom.
En il center da la professura stat l’occupaziun cun la didactica da plurilinguitad e cun la didactica dal talian sco lingua da scola e lingua estra. Actualmain vai en emprima lingia per promover il profil da cumpetenzas dubel da la nova generaziun da la SAP en quests champs e per sviluppar meds d’instrucziun per il rom talian sco lingua da scola e lingua estra sin il stgalim primar e secundar I.
ulteriuras infurmaziuns
En il center da la professura stat l’occupaziun teoretica ed empirica cun il fenomen da la didactica dal rom dal rumantsch e da la plurilinguitad. Las dumondas principalas da la perscrutaziun èn: Co emprendan scolaras e scolars e co instrueschan persunas d’instrucziun rumantsch respectivamain pliras linguas? Co pon meds d’instrucziun sustegnair optimalmain quests process d’instruir e d’emprender?
ulteriuras infurmaziuns
Ils 9 ed ils 10 da november 2023 ha lieu a Tavau la dieta „La plurilinguitad d’ina perspectiva scientifica, da scola, economica e politica“. Cun questa chaschun vegnan preschentads projects da perscrutaziun e resultats actuals. Plinavant vegn discutada lur relevanza per la scola, per la politica da furmaziun e per l’entira societad. Projects correspundents or da las davosas periodas da promoziun da l’Uffizi federal da cultura (UFC) èn centrals per quest discurs. La dieta d’expertas e d’experts vegn organisada da la SAP dal Grischun en cooperaziun cun l'UFC.
ulteriuras infurmaziunsIhr Browser (IE 11) ist leider zu alt und wird nicht mehr unterstützt.