Manader/Manadra dal champ scienzas d’educaziun

• Vus surpigliais la direcziun persunala e tematica dal champ, concepis e coordinais l’orientaziun da l'instrucziun (moduls, occurrenzas da modul, lavurs da bachelor e da master), collavurais tar la recrutaziun e tar l’introducziun da docentas e docents e da persunas incumbensadas per l’instrucziun, elavurais propostas per il plan da lavur en la furmaziun, en la furmaziun supplementara ed en la perscrutaziun e manais las collavuraturas ed ils collavuraturs persunalmain e professiunalmain
• Vus garantis la qualitad en il champ, collavurais cun il post spezialisà per evaluaziuns e cun las persunas incumbensadas per la qualitad, visitais e valitais unitads d’instrucziun, iniziais mesiras per garantir e per sviluppar vinavant la qualitad e procurais per lur realisaziun
• Vus colliais il champ a l’intern e vers anora, manais incumbensas, sesidas e resursas, essas la persuna da contact centrala per las docentas ed ils docents e per ils teams dals moduls, collavurais activamain en il prorectorat furmaziun, iniziais e manais projects interns ed interdisciplinars
• Vus sviluppais vinavant il champ da maniera persistenta, garantis ina planisaziun dal persunal prospectiva e promovais furmaziuns supplementaras drizzadas ad in rom ed il diever da novas tecnologias d’emprender

• Studi universitar terminà (segund ciclus academic) en scienzas d’educaziun
• Diplom d’instrucziun (stgalim primar 14 u 38, stgalim secundar I u II) ed experientscha d’instrucziun correspundenta
• Qualificaziuns didacticas per la scola auta u la prontezza d’acquistar talas
• Furmaziun supplementara en il champ leadership u management da furmaziun (facultativ)
• Persunalitad engaschada cun plaschair, visiuns e flexibilitad che s’engascha activamain per in’auta qualitad en la furmaziun da persunas d’instrucziun e che ha in’abilitad marcanta da communitgar e da lavurar en in team
• Fitg bunas enconuschientschas dal tudestg e da preferenza enconuschientschas d’ina ulteriura lingua chantunala

Vus chattais tar nus in’occupaziun interessanta e multifara cun libertad creativa en ina scola auta dinamica ch’è sin via da pensar da nov la furmaziun da persunas d’instrucziun. A la SAP dal Grischun trilingua As spetga in team engaschà, in’infrastructura moderna e cundiziuns d’engaschament attractivas tenor las directivas chantunalas.