MINT

MINT – Promoziun da la Scola auta da pedagogia dal Grischun

“Las generaziuns giuvnas d’ozendi e dal futur vegnan naschidas en il mund digital e ston disponer dad enconuschientschas ed abilitads da chapir ses mecanissems e da sa participar activamain vidlonder” (rapport da la Cumissiun federala per l’uffanza e la giuventetgna, schaner 2019). Per ademplir questa pretensiun, na stuain nus betg be enconuscher tut las tecnologias novas, dentant era chapir ellas e sviluppar abilitads per schliar problems, per la lavur da team e per il pensar creativ e cumplessiv. La SAPGR promova questas cumpetenzas cun la collavuraziun interdisciplinara tranter ils champs e tut las partiziuns (furmaziun da basa, furmaziun cuntinuada, furmaziun da la pratica professiunala, perscrutaziun, svilup e servetschs). Tras partenadis da la SAPGR cun la SPF da Turitg, la SAS dal Grischun e partenaris d’industria, sa basa la promoziun da MINT da la SAPGR sin in solid fundament scientific spezialisà e didactic-metodic.