Scola alpina

Il svilup da la scola e da l’instrucziun en il territori alpin e periferic furma l’object da perscrutaziun per l’accent Scola alpina. En il territori rural-alpin datti bleras scolas pitschnas che vegnan manadas en classas maschadadas tenor annadas, cunquai ch'ils dumbers da scolars èn minims. Ellas servan sco punct da partenza per retschertgar davart dumondas actualas da la pratica da scola sco er davart resultats dal svilup da la scola e da l’instrucziun en projects da perscrutaziun, svilup e servetschs. 

Accents

• Cussegliaziun da scola, organisaziun da la scola, svilup da l’instrucziun en il territori alpin
• Introducziun ed accumpagnament da direcziuns da la scola
• Emprender en gruppas eterogenas, p.ex. en classas pitschnas ed en l’instrucziun integrativa
• Efficacitad da l’instrucziun-outdoor orientada a las experientschas