Post da stab per linguas: post da consultaziun per dumondas da linguas

La SAPGR è l’unica scola auta da pedagogia trilingua da la Svizra. Mussadras e mussaders sco era persunas d’instrucziun dal stgalim primar pon frequentar lur scolaziun en tut las trais linguas dal chantun (rumantsch, talian e tudestg). Per instruir ina segunda lingua è previs da pudair acquistar la qualificaziun d’instruir en talian, englais, franzos, tudestg e rumantsch.

Eterogenitad, multifariadad culturala e plurilinguitad tutgan tar las cumpetenzas-clav da la scola. Il post da stab per linguas ha perquai ina gronda impurtanza. El ha ina funcziun cusseglianta e coordinativa en fatgs da linguas ed el collavura stretgamain cun la Partiziun plurilinguitad da la SAPGR en la sparta perscrutaziun e svilup. Il post da stab per linguas cusseglia ed accumpogna tut las studentas e tut ils students en tut las dumondas che concernan la lingua (tscherna da la lingua, curs da lingua, segiurn linguistic, diploms da lingua euv.). Il post da stab per linguas è era l’organ da surveglianza che garantescha diversitad linguistica en las plazzas d’emprendissadis ed en l’administraziun da la SAPGR.

LA SAPGR dispona d’in concept da linguas che reglescha la plurilinguitad a la scola auta.