Management da qualitad

Il management da qualitad serva a la Scola auta da pedagogia dal Grischun (SAPGR) sco instrument da manar l’organisaziun a moda persistenta e contribuescha cun quai fundamentalmain da realisar il mandat da prestaziun ed il svilup da la scola auta.

Directivas dal management da qualitad da la SAPGR
La finamira surordinada dal management da qualitad è la garanzia ed il svilup cuntinuà da la qualitad en tut ils champs. La cultura da qualitad vivida è centrala.
Concret munta quai,

• che process da planisaziun e da decisiun vegnan sustegnids cun metter a disposiziun infurmaziuns e datas relevantas sin tut ils nivels da decisiun;
• ch’ils process strategics ed operativs èn reglads, documentads e suandabels;
• che la reflexiun ed il svilup cuntinuà da l’agen agir da tut ils collavuraturs e da tut las collavuraturas vegnan pussibilitads;
• che commembras e commembers da la scola pon collavurar a moda adattada, nua ch’igl è pussaivel;
• ch’els/ellas pon contribuir a moda activa propostas da meglieraziun (p.ex. management d’innovaziun) e
• ch’ins chatta ina cultura da las “portas avertas”.

Il sistem da management da qualitad orientà al process da la SAPGR
Il sistem da management da qualitad orientà al process (be access intern) da la SAPGR pussibilitescha, cun cumpigliar tut las commembras ed ils commembers, da segirar e da sviluppar vinavant la qualitad da lur process. Il ciclus PDCA chatta applicaziun en tut ils champs da la SAPGR cun attribuir ils process a las respectivas fasas da planisaziun, da realisaziun, da garanzia da la qualitad u da svilup.

La garanzia da la qualitad è part dal management da qualitad ed orientada da garantir qualitad a moda constanta en il senn da cuntanscher las finamiras tras mesiras examinablas, sco evaluaziuns, monitoring e management da ristgas.
Las cumpetenzas e prescripziuns en il rom dal management da qualitad èn regladas tras il reglament davart il management da qualitad e las directivas davart la garanzia da la qualitad e davart il management da process.