Purtret da la SAPGR

Dapi l’onn 2003 scolescha la SAPGR persunas d’instrucziun per il stgalim prescolar e per il stgalim primar. Cun cooperaziuns porscha la SAPGR tranter auter era studis da master en pedagogia curativa da scola sco era per il stgalim secundar I.

Cun radund 500 studentas e students tutga la SAPGR en Svizra tar ina scola auta mesauna. Questa grondezza ideala pussibilitescha a la SAPGR da reagir a moda svelta sin midadas en la cuntrada da furmaziun svizra e porscha libertads d’agir cun soluziuns innovativas. La SAPGR è ina scola auta flexibla ed agila.

A la SAPGR ha la Mehrsprachigkeit /plurilinguitad in’impurtanza speziala ed unica: Las studentas/ils students han per regla la pussaivladad d’absolver lur studis e curs en tuttas trais linguas chantunalas (tudestg, rumantsch, talian).

Las studentas/ils students dals studis scolina e stgalim primar acquistan lur cumpetenzas praticas durant 26 emnas pratica professiunala entaifer il studi da bachelor da trais onns. Cun integrar berufspraktischen Ausbildung / la furmaziun da la pratica professiunala pon la teoria e la pratica vegnir colliadas a moda optimala.

Cun radund 4500 Weiterbildungstagen / dis da furmaziun supplementars porscha la SAPGR a las persunas d’instrucziun cuntinuadamain la pussaivladad da sa sviluppar en lur professiun e dat uschia in sustegn cumpetent per lur lavur pretensiusa.

La SAPGR perscrutescha temas actuals dal champ da scola. Sper ils projects specifics dal rom sa focussescha  Forschung / la perscrutaziun da la SAPGR sin trais secturs: Mehrsprachigkeit / plurilinguitad, Schule und Technik / scola e tecnica, Schule alpin / scola alpina. Ils resultats or da quests projects da perscrutaziun orientads a l’applicaziun vegnan integrads cuntinuadamain en la scolaziun e furmaziun supplementara da las persunas d’instrucziun.