Furmaziuns supplementaras per l’entir team da scola sustegnan tut las persunas d’instrucziun u ina gruppa da scolastas e scolasts d’ina scola a cuntanscher lur finamira communabla. La SAPGR porscha furmaziuns supplementaras dad in di che han lieu en Vossa chasa da scola. La furmaziun supplementara po vegnir cumplettada cun in modul supplementar.

La planisaziun da la furmaziun supplementara da Vossa scola cumenza en general cun in discurs da cussegliaziun. Là vegni definì communablamain il basegn per ina furmaziun supplementara areguard l’evaluaziun da scola, las recumandaziuns da l’inspecturat ed ils projects per in svilup da scola currents.

L’Uffizi per la scola populara ed il sport prescriva a las scolas da realisar furmaziuns supplementaras per l'entir team da scola. Per plaschair resguardar las infurmaziuns da l’USS.

Sche Vus planisais ina furmaziun supplementara per l’entir team da scola As supplitgain nus d’ans contactar almain trais mais avant il termin da curs giavischà. Gugent As sustegnain nus d’eleger la purschida adattada e cussegliain Vus ad integrar las furmaziuns supplementaras per l’entir team da scola en il process da svilup da Vossa scola.