Studi da master pedagogia speziala cun approfundaziun en la pedagogia curativa da scola

La Scola auta interchantunala per pedagogia curativa Turitg (HfH) realisescha, en cooperaziun cun la Scola auta da pedagogia dal Grischun (SAPGR), il studi da master (cumplementar a la professiun) da pedagogia speziala cun approfundaziun en la pedagogia curativa da scola a la SAPGR a Cuira. Grazia al lieu da studi da Cuira (per gronda part) ed ulteriuras adattaziuns organisatoricas, èsi per las studentas ed ils students dal Grischun logisticamain pli simpel d’absolver il studi. Infurmaziuns e respostas en connex cun il studi èn da chattar sin www.hfh.ch la pagina d’internet da la HfH.

Il cumenzament dal proxim studi è previs per il settember 2022. L’ultim termin d’annunzia è il 1. da december 2021.
La SAPGR e la HfH fan l’atun in’occurrenza d’infurmaziun. Uschespert ch’il termin è fixà, vegn el publitgà qua.

Contact
Per dumondas ed ulteriuras infurmaziuns As drizzai per plaschair a la direcziun dal project da la SAPGR: Arno Ulber, arno.ulber@phgr.ch / +41 81 354 03 57 u +41 81 354 03 06 (secretariat).