CAS Informatica e didactica da l'informatica sin il stgalim primar

En il CAS «Informatica e didactica da l'informatica sin il stgalim primar» vegnan las cumpetenzas d’informatica dal plan d’instrucziun 21 tematisadas en detagl e lur intermediaziun vegn messa en il center. In focus spezial vegn mess sin l’instrucziun interdisciplinara che demussa cumpetenzas d’informatica en auters roms e furma lioms tranter la matematica u las linguas. La part teoretica vegn cumplementada cun visitas da l’instrucziun.

Il CAS abilitescha absolventas ed absolvents ad in’instrucziun d’informatica constructiva en ils ciclus 1 e 2. Il studi sa cumpona da trais moduls. En il modul «Concepts da basa da l’informatica» vegnan intermediadas las cumpetenzas d’informatica essenzialas ch’èn definidas en il plan d’instrucziun 21. Ils moduls da la didactica dal rom «Programmaziun» e «Scienza da datas» focusseschan sin la didactica dad omadus temas. En il center stat qua l’intermediaziun confurma al stgalim dals concepts d’informatica en unitads d’instrucziun concretas. Las occurrenzas han lieu a la SAP dal Grischun ed a la SPF a Turitg.

Durada e certificat
Il perfecziunament sa cumpona dals trais moduls menziunads sura ed ina lavur da certificat integrada; el cumenza il settember 2020 e dura in onn. Il perfecziunament vegn realisà da la SAP dal Grischun en cooperaziun cun la SPF da Turitg e cumpiglia 10 puncts ECTS, quai che correspunda ad in engaschi da circa 300 uras. La finiziun cun success da tuts moduls e da la lavur da certificat maina ad in «Certificate of Advanced Studies» da la Scola auta da pedagogia dal Grischun.

Lieus: SAPGR, SPF a Turitg
Manader dal studi: dr. Dennis Komm
Custs: CHF 5’000.-, excl. materialias, viadis, albiert ed alimentaziun
Termin d’annunzia: Questa scolaziun cun certificat ha gia cumenzà. La proxima scolaziun è planisada per l’onn da scola 22/23. Sche Vus As interessais per quella e na vulais betg manchentar la publicaziun, pudais Vus As registrar qua nunliantamain sco interessent/a.

Infurmaziuns detagliadas chattais vus en la broschura da la scolaziun cun certificat.

Directivas da la partiziun Furmaziun cuntinuada