La scolaziun cun certificat DaZ sa drizza en emprima lingia a persunas d’instrucziun da la scolina e dal stgalim primar e secundar ch’instrueschan gia tudestg sco segunda lingua e che vulan schlargiar ed approfundar lur repertori d’agir.
Persunas d’instrucziun, che s’interesseschan per l’instrucziun DaZ u che vulan extender e professiunalisar lur instrucziun da tudestg sin il champ da l’instrucziun d’ina segunda lingua, pon medemamain absolver il studi. Ellas dovran dentant in champ pratic nua ch’ellas instrueschan DaZ ed applitgeschan a moda pratica la nova savida dal studi, da bloc d’instrucziun a bloc d’instrucziun.

Durada e certificat
La scolaziun dura in onn (dad avust fin fanadur) e sa cumpona dad en tut 23 dis temp da preschientscha sco er 300 uras studi autodidactic. En quest rom vegnan elavurads 4 moduls che vegnan testads en la pratica. In element da la scolaziun è en pli la preschientscha a la «Bündner Fachtagung DaZ» che ha lieu il mars.

Lieu: SAPGR Cuira
Manadra dal studi: Yvonne Anderegg
Custs dal curs: CHF 6’800.- excl. litteratura spezialisada, spesas da viadi e custs per alloschi ed alimentaziun sco er eventuals custs per substituziuns

Termin d'annunzia: 30 d'avrigl 2021. As annunziai online: Annunzia online

Infurmaziuns detagliadas chattais Vus en la broschura davart la Scolaziun cun certificat (2021-2022).

Directivas da la partiziun Furmaziun cuntinuada