CAS Aventura art - intermediaziun d’art

Co entra l’art contemporan en dialog cun posiziuns or da l’istorgia d’art? Tge sa preschenta ad uffants e giuvenils en l’inscunter cun art?

La SAPGR porscha en cooperaziun cun il Museum d’art dal Grischun ed il Museum d’art dal Liechtenstein (cun Hilti Art Foundation) da nov la scolaziun cun certificat (CAS) “Aventura art – intermediaziun d’art”. Il perfecziunament dad in onn cumplementar a la professiun pussibilitescha ina qualificaziun pratica professiunala per persunas d’instrucziun cun interess per art ed intermediaziun d’art, sco era per artist(a)s, curatur(a)s e amant(a)s dad art cun furmaziun da basa pedagogica. En quest studi acquistais vus enconuschientschas praticas e teoreticas, sco era cumpetenzas d’intermediaziun specificas per elavurar cun uffants e giuvenils a moda activa experientschas d’art e cumpetenza da maletgs.

Durada e certificat
La scolaziun è partida en tschintg moduls cun en tut 18 dis da curs e dura bun nov mais – da matg 2021 fin favrer 2022. Inclus è il viadi da studi dad in’emna cun la visita da la Biennale Arte 2021 a Venezia sco highlight.

Lieu: SAPGR Cuira, Museum d’art dal Grischun Cuira, Museum d’art dal Liechtenstein (cun Hilti Art Foundation) Vaduz, excursiun en ina metropola d'art europeica.
Manadra dal curs: Menga Dolf
Custs dal curs: CHF 5’400.- excl. litteratura spezialisada, meds d’instrucziun, entradas a Venezia, spesas da viadi e custs per alloschi ed alimentaziun sco er eventuals custs per substituziuns

La scolaziun 2021-2022 vegn realisada definitivamain e cumenza il matg 2021. Il termin d'annunzia è scadì. Sche Vus As interessais per la scolaziun, As annunziai p.pl. tar nus (weiterbildung@phgr.ch).

Infurmaziuns detagliadas chattais Vus en la broschura davart la Scolaziun cun certificat (2021-2022). Gugent As tramettain nus era per posta ina broschura  - mail a weiterbildung@phgr.ch.

Directivas da la partiziun Furmaziun cuntinuada