CAS Autur/a da meds d’instrucziun

Scolaziun cun certificat davart la creaziun e producziun da meds d’instrucziun e materialias d’emprender.

Il studi sa drizza a persunas cun connex pedagogic ch’instrueschan ad ina scola populara, in gimnasi, ina scola professiunala, ina scola auta u ch’èn activs en la furmaziun da creschids e che vulan sa fatschentar cun las basas da l’elavuraziun da meds d’instrucziun per sez esser autur/a da meds d’instrucziun. Plinavant sa drizza el ad incumbensads per meds d’instrucziun ed ulteriuras persunas che sa fatschentan professiunalmain cun meds d’instrucziun.

En il center stat il process da producir in med d’instrucziun (da l’idea al product) cun ses pass tipics. Participantas e participants lavuran prioritarmain vi da la realisaziun d’in agen med d’instrucziun che po esser tant analog, sco era digital. Latiers pon materialias existentas vegnir sviluppadas sco meds d’instrucziun u i po vegnir inizià in nov project per in med d’instrucziun. Experts da meds d’instrucziun accumpognan individualmain las participantas ed ils participants en quest process da svilup. Fanestras da teoria pussibiliteschan in sguard en la structura profunda da buns meds d’instrucziun. Pitschnas gruppas da lavur e rundas da preschentaziun promovan plinavant il barat cuntinuant. Las lavurs finalas vegnan evaluadas, valitadas e preschentadas.

Durada e certificat
La scolaziun dura in onn. Ella cumpiglia 22 dis da curs, sco era la lavur en gruppas d’emprender e temps d’emprender persul. La dimensiun da lavur cumpiglia en tut circa 450 uras.
La terminaziun cun success da tuttas parts da la scolaziun maina ad in Certificate of Advanced Studies (CAS) SAPGR davart la creaziun e producziun da meds d’instrucziun.

Lieu: SAPGR Cuira
Manader da studi: Dr. Rico Cathomas
Custs: Fr. 7’800.00 excl. materialias, viadis, alloschi ed alimentaziun.

Occurrenza d'infurmaziun: Mesemna, 3.02.2021, 17.00 – 18.00 uras / online 

Infurmaziuns detagliadas chattais Vus en la broschura davart la Scolaziun cun certificat (2021-2022).

Directivas davart ils studis da perfecziunament a la Scola auta da pedagogia dal Grischun (SAPGR)